വെബ് Feb. 1, 2026, 12:45 p.m.
ഭാരതമാതാ സി.എം.ഐ പബ്ലിക് സ്കൂൾ “ദി കാൻഡിൽലൈറ്റ് – സമാധാനത്തിന്റെ പതാകകൾ ഉയരട്ടെ” എന്ന ശീർഷകത്തിൽ വാർഷികാഘോഷം സംഘടിപ്പിച്ചു. രാജകീയ പരേഡ്, ദൈവിക പ്രാർത്ഥന, സ്കൂൾ ബാൻഡിന്റെ താളമേളം എന്നിവയോടെ ആരംഭിച്ച പരിപാടിയിൽ സ്കൂൾ പ്രിൻസിപ്പാൾ റവ. ഫാ. ലിന്റേഷ് ആന്റണി സി.എം.ഐയുടെ ആദരപൂർവ്വമായ അഭിവാദ്യവും നടന്നു. ആചാരപരമായ ദീപപ്രകാശനത്തിന് ശേഷം പ്രെഷിത പ്രൊവിൻസ്, കോയമ്പത്തൂർ പ്രൊവിൻഷ്യൽ റവ. ഫാ. സാജു ചക്കലക്കൽ സി.എം.ഐ അധ്യക്ഷപ്രസംഗം നടത്തി. ഇന്ത്യൻ അഭിനേതാക്കളും തിരക്കഥാകൃത്തുകളുമായ ശ്രീ. ബിബിൻ ജോർജും ശ്രീ. വിഷ്ണു ഉണ്ണികൃഷ്ണനും പരിപാടിയിലെ പ്രമുഖാതിഥികളായി പങ്കെടുത്തു. സ്കൂൾ മാനേജർ റവ. ഫാ. ആന്റണി പുത്തനങ്ങാടി സി.എം.ഐ, സാമൂഹ്യ അപ്പസ്തോലേറ്റ് കൗൺസിലറും സ്കൂൾ അഡ്മിനിസ്ട്രേറ്ററുമായ റവ. ഫാ. അനിൽ തളക്കോട്ടൂർ സി.എം.ഐ, പി.ടി.എ പ്രസിഡണ്ട് ശ്രീ. സുമിൻ കെ.എസ് എന്നിവർ ആശംസകൾ നേർന്നു. തുടർന്ന് പുരസ്കാരങ്ങളും അംഗീകാരങ്ങളും വിതരണം ചെയ്യുകയും സ്കൂളിന്റെ വാർഷിക റിപ്പോർട്ട് അവതരിപ്പിക്കുകയും ചെയ്തു. സ്കൂൾ ചെയർപേഴ്സൺ മാസ്റ്റർ അമിത് ജി കൃതജ്ഞത രേഖപ്പെടുത്തിയതോടെ ദേശീയഗാനത്തോടെ ചടങ്ങുകൾ സമാപിച്ചു.
.
%20164%20X%2082.gif)
