കോട്ടയം∙ സംസ്ഥാനത്തെ വിവിധ കലക്ടറേറ്റുകളിൽ ബോംബ് ഭീഷണി. കോട്ടയം, പാലക്കാട്, കൊല്ലം കലക്ടറേറ്റുകൾക്കാണ് ബോംബ് ഭീഷണിയുള്ളത്. കലക്ടർമാരുടെ മെയിലുകളിലേക്കാണ് ഭീഷണി സന്ദേശമെത്തിയത്. ബോംബ് സ്ക്വാഡും പൊലീസും പരിശോധന നടത്തിയെങ്കിലും സംശയകരമായ ഒന്നും കണ്ടെത്താനായില്ല.
രാവിലെയാണ് കൊല്ലം ജില്ലാ കലക്ടർക്ക് ഭീഷണി സന്ദേശം ലഭിച്ചത്. കലക്ടറേറ്റുകളിലേക്ക് ലഭിച്ച സന്ദേശങ്ങൾ വ്യാജമാണെന്നാണു വിവരം. ബോംബ് ഭീഷണിയുടെ പശ്ചാത്തലത്തിൽ കലക്ടറേറ്റുകളിൽ സുരക്ഷ ശക്തമാക്കി. കഴിഞ്ഞ ദിവസവും പാലക്കാട്, തൃശൂർ കലക്ടറേറ്റുകൾക്ക് ഭീഷണി സന്ദേശം ലഭിച്ചിരുന്നു.
%20164%20X%2082.gif)
