വെബ് ഡെസ്ക്
March 12, 2025, 11:54 a.m.
മുടി, ചർമം, എല്ലുകൾ എന്നിവ ഉള്‍പ്പെടെ, ശരീരത്തിന്‍റെ എല്ലാ ഭാഗങ്ങള്‍ക്കും ആവശ്യമായ പോഷകങ്ങള്‍ ചീരയില്‍ അടങ്ങിയിട്ടുണ്ട്. കലോറി വളരെ കുറവും നാരുകള്‍ വളരെ കൂടുതലുമായതിനാല്‍ ഭാരം കുറയ്ക്കാന്‍ ആഗ്രഹിക്കുന്നവര്‍ക്ക് വളരെ മികച്ച ഒന്നാണ് ചീര കൊണ്ടുള്ള വിഭവങ്ങള്‍. കുറഞ്ഞ ഗ്ലൈസെമിക് സൂചിക (ജിഐ) ആയതിനാല്‍, ചീര രക്തത്തിലെ ഗ്ലൂക്കോസിന്‍റെ അളവ് സ്ഥിരപ്പെടുത്താൻ സഹായിക്കുന്നു എന്ന് പഠനങ്ങളില്‍ തെളിഞ്ഞിട്ടുണ്ട്. അതിനാല്‍ പ്രമേഹരോഗികള്‍ക്ക് ചീര ധൈര്യമായി ഭക്ഷണത്തില്‍ ഉള്‍പ്പെടുത്താം.
സൗന്ദര്യത്തിനും ചീര നല്ലതാണ്. ശരീരത്തിലെ ഏറ്റവും വലിയ അവയവമായ ചര്‍മത്തെ യുവത്വത്തോടെയും ആരോഗ്യത്തോടെയും നിലനിര്‍ത്താന്‍ ചീരയ്ക്ക് കഴിവുണ്ട്. ഇതില്‍ അടങ്ങിയ വിറ്റാമിനുകളായ എ, സി, ഇ എന്നിവ ചര്‍മ്മത്തിന്‌ വളരെ നല്ലതാണ്. കൂടാതെ, ഇന്‍ഫ്ലമേഷന്‍ കുറച്ച്, മുഖക്കുരുവിനെതിരെ പോരാടാനും ചീര സഹായിക്കുമെന്ന് പറയപ്പെടുന്നു. ചീരയില്‍ അടങ്ങിയ ആന്‍റി ഓക്സിഡന്റുകള്‍ ചര്‍മത്തിന്‍റെ പ്രായം കുറയ്ക്കാനും സഹായിക്കും.
%20164%20X%2082.gif)
