ബജാജ് ഫ്രീഡം 125 എന്ന പേരിൽ ലോകത്തിലെ ആദ്യത്തെ സിഎൻജി ബൈക്ക് അവതരിപ്പിച്ചു. ഒരു ലക്ഷത്തിൽ താഴെ വിലയിൽ, പെട്രോളിനേക്കാൾ 50% കുറവ് ഇന്ധനം ഉപയോഗിക്കുന്ന ഈ ബൈക്ക് സിഎൻജിയിലും പെട്രോളിലുമായി 332 കിലോമീറ്റർ വരെ മൈലേജ് നൽകുന്നു.
കമ്പനിയുടെ ഔദ്യോഗിക വെബ്സൈറ്റിലെ വിവരങ്ങൾ അനുസരിച്ച്, ഈ ബൈക്ക് ഒരു പെട്രോൾ ബൈക്കിനേക്കാൾ 50 ശതമാനം കുറവ് ഇന്ധനം മാത്രമേ ഉപയോഗിക്കുന്നുള്ളൂ. ഈ ബൈക്കിൽ രണ്ട് ലിറ്റർ പെട്രോൾ ടാങ്കും രണ്ട് കിലോഗ്രാം സിഎൻജി ടാങ്കും ഈ ബൈക്കിൽ ഉണ്ട്. പെട്രോളിൽ 130 കിലോമീറ്റർ വരെയും സിഎൻജിയിൽ 202 കിലോമീറ്റർ വരെയും സഞ്ചരിക്കാൻ ഈ ബൈക്കിന് കഴിയും. മൊത്തത്തിൽ, രണ്ട് ലിറ്റർ പെട്രോളിലും രണ്ട് കിലോഗ്രാം സിഎൻജിയിലും 332 കിലോമീറ്റർ വരെ ഓടാൻ ഈ ബൈക്കിന് കഴിയും.ഈ സിഎൻജി ബൈക്ക് സിംഗിൾ-പീസ് സീറ്റ്, കമ്പൈൻഡ് ബ്രേക്കിംഗ് സിസ്റ്റം (സിബിഎസ്) എന്നിവയുൾപ്പെടെ നിരവധി ശ്രദ്ധേയമായ സവിശേഷതകൾ വാഗ്ദാനം ചെയ്യുന്നു, ഇത് ദൈനംദിന റൈഡിംഗിനെ മെച്ചപ്പെടുത്തുന്നു. എൽഇഡി ഹെഡ്ലാമ്പിനൊപ്പം, ഗിയർ പൊസിഷൻ, റിയൽ-ടൈം മൈലേജ് തുടങ്ങിയ പ്രധാന വിവരങ്ങൾ പ്രദർശിപ്പിക്കുന്ന ഫോൺ-കണക്റ്റഡ് എൽസിഡി ഡിസ്പ്ലേയും ബൈക്കിലുണ്ട്. 125 സിസി എഞ്ചിൻ 9.4 ബിഎച്ച്പിയും 9.7 എൻഎം ടോർക്കും ഉത്പാദിപ്പിക്കുന്നു.ബജാജ് ഓട്ടോയുടെ ഈ സിഎൻജി ബൈക്കിന് മൂന്ന് വേരിയന്റുകളുണ്ട്. NG04 ഡ്രം വേരിയന്റിന് 91,750 രൂപയാണ് എക്സ്-ഷോറൂംവില. NG04 ഡ്രം ലെഡ് വേരിയന്റിന് 1,04,182 രൂപയാണ് എക്സ്-ഷോറൂം വില. NG04 വേരിയന്റിന് 1,07,740 രൂപയാണ് എക്സ്-ഷോറൂം വില.
%20164%20X%2082.gif)
