നിർബന്ധിത സൈനിക സേവനം പൂർത്തിയാക്കിയ ശേഷം കഴിഞ്ഞ ഒക്ടോബറിലാണ് ജെ–ഹോപ് മടങ്ങിയെത്തിയത്. ബാൻഡിലെ മറ്റൊരു അംഗം ജിൻ ഏതാനും മാസങ്ങൾക്കു മുൻപ് തിരികെയെത്തിയിരുന്നു. സോളോ പ്രോജക്ടുകളും ലൈവ് ഷോകളും അഭിനയ അരങ്ങേറ്റവുമൊക്കെയായി ഇരുവരും കലാലോകത്തിലേക്കു രണ്ടാംവരവ് നടത്തുകയും ചെയ്തു. ആര്‍എം, വി, സുഗ, ജംഗൂക്ക്, ജിമിൻ എന്നിവരാണ് ഇനി സൈനിക സേവനം പൂർത്തിയാക്കാനുള്ളത്. ജൂണിൽ അവർ മടങ്ങിയെത്തുമെന്നും വൈകാതെ തങ്ങൾ ഒന്നാകുമെന്നും ജെ–ഹോപ് പറഞ്ഞു.
ദക്ഷിണ കൊറിയയിലെ നിയമമനുസരിച്ച് 18നും 28നും ഇടയില്‍ പ്രായമുള്ള ആരോഗ്യവാന്‍മാരായ എല്ലാ പുരുഷന്‍മാരും നിർബന്ധമായും സൈനിക സേവനത്തിലേര്‍പ്പെട്ടിരിക്കണം. 18 മുതൽ 21 മാസം വരെ നീളുന്ന സേവനമാണിത്. ബിടിഎസ് അംഗങ്ങൾക്കു നൽകിയ രണ്ടു വർഷത്തെ പ്രത്യേക ഇളവും കഴിഞ്ഞതോടെ ബാൻഡിലെ മുതിർന്ന അംഗമായ ജിൻ 2022 ഡിസംബറിൽ ദക്ഷിണ കൊറിയൻ ബൂട്ട് ക്യാംപിൽ പ്രവേശിച്ചു. മാസങ്ങളുടെ ഇടവേളയിൽ മറ്റുള്ളവരും ക്യാംപിലെത്തി. സൈനികസേവനം പൂർത്തിയാക്കി തങ്ങൾ മടങ്ങിവരുമെന്നും പഴയതുപോലെ വേദികളിലെത്തുമെന്നും ബിടിഎസ് ആരാധകർക്ക് ഉറപ്പ് നൽകിയിരുന്നു. അവരൊന്നിച്ച് ലോകവേദികൾ കീഴടക്കാൻ വരുമെന്ന പ്രതീക്ഷയിലാണ് ബിടിഎസ് ആർമി.
%20164%20X%2082.gif)
