ആവശ്യമില്ലാത്ത നൂറുകണക്കിന് പ്രൊമോഷണൽ മെയിലുകളും വാർത്താക്കുറിപ്പുകളും കൊണ്ട് ഇൻബോക്സ് നിറയുന്നത് സാധാരണമാണ്. ഈ പ്രതിസന്ധിക്ക് ശാശ്വത പരിഹാരവുമായി ഗൂഗിൾ രംഗത്തെത്തിയിരിക്കുകയാണ്, ‘മാനേജ് സബ്‌സ്‌ക്രിപ്‌ഷൻ’ എന്ന പുതിയ ഫീച്ചറിലൂടെ. ഏറെ നാളത്തെ പരീക്ഷണങ്ങൾക്കും കാത്തിരിപ്പിനും ശേഷം ഈ പുത്തൻ ഫീച്ചർ ഇപ്പോൾ ആൻഡ്രോയിഡ്, iOS, വെബ് എന്നിവയുൾപ്പെടെ എല്ലാ പ്ലാറ്റ്‌ഫോമുകളിലും ലഭ്യമാണ്.
നിങ്ങൾ സബ്സ്ക്രൈബ് ചെയ്തിട്ടുള്ള മെയിലിംഗ് ലിസ്റ്റുകൾ, പ്രതിവാര വാർത്താക്കുറിപ്പുകൾ, പ്രൊമോഷണൽ ഇമെയിലുകൾ തുടങ്ങി എല്ലാത്തരം സന്ദേശങ്ങളെയും ഒരിടത്ത് നിന്ന് എളുപ്പത്തിൽ നിയന്ത്രിക്കാനും ആവശ്യമില്ലാത്തവ അൺസബ്സ്ക്രൈബ് ചെയ്യാനും ഈ ഫീച്ചർ സഹായിക്കുന്നു. ഇൻബോക്സ് കൂടുതൽ വൃത്തിയുള്ളതും യഥാർത്ഥത്തിൽ ആവശ്യമുള്ള സന്ദേശങ്ങൾ മാത്രം നിറഞ്ഞതുമാക്കുക എന്നതാണ് ഗൂഗിൾ ഇതിലൂടെ ലക്ഷ്യമിടുന്നത്.
%20164%20X%2082.gif)
