നാസ സ്‌പേസ് സെന്ററില്‍ നിന്നുള്ള തന്റെ ചിത്രങ്ങളാണ് ലെന പങ്കുവച്ചിരിക്കുന്നത്. ഈ മനോഹരമായ ഓര്‍മ്മകള്‍ ലഭിച്ചതില്‍ അതിയായ സന്തോഷമുണ്ടെന്നാണ് ലെന പറയുന്നത്. എല്ലാത്തിനും നന്ദി പറയുന്നത് ഭര്‍ത്താവിനാണെന്നും ലെന പറയുന്നുണ്ട്.2024 ജനുവരി 17 നായിരുന്നു ലെനയുടേയും പ്രശാന്തിന്റേയും വിവാഹം. എന്നാല്‍ ഫെബ്രുവരിയിലാണ് താന്‍ വിവാഹിതയായ കാര്യം ലെന ആരാധകരുമായി പങ്കുവെക്കുന്നത്.
ഗഗന്‍യാന്‍ ബഹിരാകാശ യാത്രിക സംഘത്തിലെ എയര്‍ഫോഴ്‌സ് ഗ്രൂപ്പ് ക്യാപ്റ്റന്‍ ആയിരുന്നു പ്രശാന്ത്. പ്രധാനമന്ത്രി ഗഗന്‍യാന്‍ ബഹിരാകാശ യാത്രികരെ പ്രഖ്യാപിക്കുന്നത് വരെ കാത്തിരുന്ന ശേഷമാണ് ലെന കല്യാണക്കാര്യം പുറത്ത് വിടുന്നത്.
ലെനയുടെ ഭര്‍ത്താവ് പ്രശാന്ത് ബാലകൃഷ്ണന്‍ നായര്‍ ആക്‌സിയോം 4 ദൗത്യത്തിലെ ബാക്ക് അപ്പ് പൈലറ്റ് ആയിരുന്നു. ശുഭാംശു ശുക്ലയ്ക്ക് എന്തെങ്കിലും കാരണവശാല്‍ യാത്ര ചെയ്യാന്‍ കഴിയാതെ വന്നാല്‍ പ്രശാന്തായിരുന്നു പകരക്കാരന്‍ ആകേണ്ടിയിരുന്നത്.
%20164%20X%2082.gif)
