എന്തെങ്കിലും ചെയ്തുകൊണ്ടിരിക്കുന്നതിൻ്റെ ഇടയിൽ ശ്രദ്ധ നഷ്ടപ്പെട്ടു പോകുന്നുണ്ടോ? വായനയിലും മറ്റു ജോലികളിലും അധികസമയം ശ്രദ്ധ കേന്ദ്രീകരിക്കാൻ പറ്റാതെ പോകുന്നുണ്ടോ?ഓർമയെയും ചിന്തയെയും ബാധിക്കുന്ന തരത്തിൽ തലച്ചോറിന്റെ പ്രവർത്തനങ്ങൾ കുറയുന്നതിനെയാണ് ഡിമെൻഷ്യ എന്ന് പറയുന്നത്. വാർദ്ധക്യവുമായി ബന്ധപ്പെട്ടണ് ഈ അവസ്ഥ കൂടുതലും കണ്ട് വരുന്നത്. എന്നാൽ, ഇപ്പോൾ ഇത് ചെറുപ്പക്കാരും അഭിമുഖീകരിക്കുന്നുണ്ട്. ഡിജിറ്റൽ ടെക്നോളജിയുടെ വർധിച്ചുവരുന്ന ഉപയോഗം കാരണം, യുവാക്കള് പുതിയ അവസ്ഥയായ ഡിജിറ്റൽ ഡിമെൻഷ്യയുമായി പൊരുതുകയാണ്.
"കാര്യമായി ജോലി ഒന്നും ചെയ്തിട്ടില്ല, എങ്കിലും ഒരു വ്യക്തി മാനസികമായി ക്ഷീണിതനായി തോന്നുകയും, തലച്ചോറിന് അമിതഭാരം അനുഭവപ്പെടുകയും ചെയ്യുന്നുവെങ്കിൽ - ജോലിയല്ല, മറിച്ച് നിരന്തരമായ ബ്രെയിൻ സ്റ്റിമുലേഷൻ ആയിരിക്കാം കാരണം. "സാധാരണയായി, 65 വയസ്സിനു മുകളിലുള്ളവരിലാണ് ഡിമെൻഷ്യ കാണപ്പെടാറ്. എന്നാൽ ഡിജിറ്റൽ ഉപകരണങ്ങൾ കൂടുതൽ ഉപയോഗിക്കുന്നവർക്ക് അതിനുമുമ്പ് തന്നെ ഡിമെൻഷ്യയുടെ ലക്ഷണങ്ങൾ അനുഭവപ്പെട്ടേക്കാം."പുതു തലമുറയുടെ ഐക്യു കുറഞ്ഞുവരികയാണ്. നമ്മൾ അധികമായി പല മാധ്യമങ്ങൾ ഉപയോഗിക്കുമ്പോൾ തലച്ചോറ് ശരിയായി പ്രവർത്തിക്കണമെന്നില്ല. മൊബൈൽ ഫോണിൽ ഫോൺ നമ്പറുകൾ സൂക്ഷിക്കുന്നതിനാൽ അവയെ ഓർമിച്ചുവെയ്ക്കേണ്ട ആവശ്യമുണ്ടാകാറില്ല. അങ്ങനെ, ഫോൺ നമ്പറുകൾ ഓർമിക്കാനുള്ള തലച്ചോറിന്റെ കഴിവ് ക്രമേണ കുറയുന്നു.
%20164%20X%2082.gif)
