വെബ് ഡെസ്ക്
April 30, 2025, 11:37 a.m.
ചെന്നൈയില്‍ രാത്രി ഏഴരയ്ക്കാണ് മത്സരം. തുടര്‍ച്ചയായ പരാജയങ്ങളില്‍ നിന്ന് കരകയറാന്‍ ചെന്നൈക്കും പ്ലേ ഓഫ് ലക്ഷ്യമിടുന്ന പഞ്ചാബിനും ഇന്നത്തെ മത്സരം അതിനിര്‍ണായകം തന്നെ.
ചെന്നൈക്ക് നാലും പഞ്ചാബിന് പതിനൊന്നും പോയിന്റ് വീതമാണുള്ളത്. ചെപ്പോക്കില്‍ അജയ്യര്‍ എന്ന വിശ്വാസത്തിന് ഇളക്കം തട്ടിയ സീസണില്‍ ഇടയ്ക്കിടെ ടീമില്‍ അഴിച്ചുപണി വരുത്തി ചെന്നൈ പതിവുകള്‍ തിരുത്തിയെങ്കിലും വിജയം മാത്രം കൈപ്പിടിയിലൊതുക്കാന്‍ ധോണിയുടെ സംഘത്തിന് ആവുന്നില്ല. വിജയത്തിലേക്ക് അടുക്കാന്‍ ഒരു ഭേദപ്പെട്ട സ്‌കോര്‍ പോലും ഉണ്ടാക്കാന്‍ ബാറ്റര്‍മാര്‍ക്ക് ആകുന്നില്ല. പഞ്ചാബിന്റെ ഉന്നം പ്ലേ ഓഫ് ആണ്. ചെന്നൈയുടെ ഇപ്പോഴുള്ള അവസ്ഥയില്‍ പഞ്ചാബിന് വിജയിക്കാനാകുമെന്ന തോന്നലുണ്ടെങ്കിലും എല്ലാം മറന്നുപൊരുതുന്ന ചെന്നൈ ആണ് ഇന്ന് കളത്തിലെങ്കില്‍ വിജയം പഞ്ചാബ് കിങ്‌സിന് എളുപ്പമാകില്ല.
%20164%20X%2082.gif)
