പുത്തന്‍ ഡിജിറ്റല്‍ പരിഷ്‌കരണവുമായി എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്‍. എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) വരിക്കാര്‍ക്ക് ഉടന്‍ തന്നെ എടിഎമ്മുകളില്‍ നിന്ന് നേരിട്ട് പിഎഫ് സമ്പാദ്യം പിന്‍വലിക്കാന്‍ സാധിക്കും. അപ്‌ഗ്രേഡ് ചെയ്യുന്ന ഇപിഎഫ്ഒ വെര്‍ഷന്‍ 3.0, 2025 മെയ് ജൂണ്‍ മാസങ്ങളിലായി പുറത്തിറക്കുമെന്ന് കേന്ദ്ര തൊഴില്‍ മന്ത്രി മന്‍സുഖ് മാളവ്യ പറഞ്ഞു.
തങ്ങളുടെ ഇപിഎഫ് തുകയിലേക്ക് വരിക്കാര്‍ക്ക് നേരിട്ട് ആക്‌സസ് ലഭിക്കുന്ന രീതിയിലാണ് പുതിയ മാറ്റം. നിലവില്‍ തുക പിന്‍വലിക്കണമെങ്കില്‍ അപേക്ഷ നല്‍കി കാത്തിരിക്കേണ്ടതുണ്ടായിരുന്നു. ഓട്ടോക്ലെയിം സെറ്റില്‍മെന്റ്, ഡിജിറ്റല്‍ തിരുത്തലുകള്‍, എടിഎമ്മിലൂടെ പണം പിന്‍വലിക്കുക തുടങ്ങിയ സേവനങ്ങള്‍ ഇതോടെ ലഭ്യമാകും. ഇപിഎഫ്ഒയെ കൂടുതല്‍ കാര്യക്ഷമമാക്കുക, എല്ലാവര്‍ക്കും എളുപ്പത്തില്‍ സമീപിക്കാനാവുന്നതാക്കി മാറ്റുക എന്നതാണ് പരിഷ്‌കരണത്തിന് പിന്നുള്ള ലക്ഷ്യം.
%20164%20X%2082.gif)
