വെബ് ഡെസ്ക്
March 21, 2025, 2:40 p.m.
ഒരു പപ്പായമരം എങ്കിലും ഇല്ലാത്ത വീടുകൾ നമ്മുടെ നാട്ടിൽ കുറവായിരിക്കും. എന്നാൽ പപ്പായ അഥവാ കപ്പളങ്ങയുടെ ആരോഗ്യഗുണങ്ങളെക്കുറിച്ച് പലർക്കും അറിവില്ല എന്നതാണ് വാസ്തവം. ഗുണങ്ങൾ ഏറെയുണ്ടെങ്കിലും ചില ആളുകൾ പപ്പായ ഒഴിവാക്കുകയോ ഉപയോഗം പരിമിതപ്പെടുത്തുകയോ ചെയ്യണം. പപ്പായയിൽ അടങ്ങിയിട്ടുള്ള എൻസൈം ആയ പപ്പെയ്ൻ ശക്തിയേറിയ ഒരു അലർജൻ ആണ്. അതായത് അലർജി ഉണ്ടാക്കും എന്നു ചുരുക്കം. അമിതമായി പപ്പായ ഉപയോഗിക്കുന്നത് ശ്വസനപ്രശ്നങ്ങൾ വർധിപ്പിക്കും. ചില ആളുകളിൽ അലർജി ഉണ്ടാകാൻ പപ്പായയുടെ ഉപയോഗം കാരണമാകും.പപ്പായയിൽ നാരുകൾ ധാരാളമായി അടങ്ങിയിട്ടുണ്ട്. ഇത് അമിതമായി കഴിച്ചാൽ വയറിളക്കത്തിനും നിർജലീകരണത്തിനും കാരണമാകും.
സാധാരണയായി നാരുകള്‍ ദഹനത്തിന് സഹായിക്കുന്നവയാണ്. എന്നാൽ അമിതമായ ഉപയോഗം ആശ്വാസം നൽകുന്നതിനു പകരം മലബന്ധത്തിനു കാരണമാകും.പച്ചയോ പകുതി പഴുത്തതോ ആയ പപ്പായ ഗർഭിണികൾ കഴിക്കുന്നത് സുരക്ഷിതമല്ലപപ്പായ അമിതമായി ഉപയോഗിക്കുന്നത് ഉദരസംബന്ധമായ പ്രശ്നങ്ങൾക്ക് കാരണമാകും. ഉദരപ്രശ്നങ്ങൾ ഉള്ളവർ സങ്കീർണതകൾ ഒഴിവാക്കാൻ പപ്പായയുടെ ഉപയോഗം പരിമിതപ്പെടുത്തണം.നിരവധി ആരോഗ്യഗുണങ്ങൾ പപ്പായയ്ക്കുണ്ട്.ദഹനം മെച്ചപ്പെടുത്തുന്നതിന് പപ്പായ സഹായിക്കും. അവശ്യ വൈറ്റമിനുകളെല്ലാം പപ്പായയിലുണ്ട്.
%20164%20X%2082.gif)
