തിരുവനന്തപുരം: നെടുമങ്ങാട് ഗവൺമെന്റ് ഗേൾസ് ഹയർ സെക്കൻഡറി സ്കൂളിൽ പണിമുടക്ക് ദിവസം സ്കൂളിൽ എത്തിയ അധ്യാപകരെ സമരാനുകൂലികൾ പൂട്ടിയിട്ടു. പണിമുടക്കിനിടെ സ്കൂളിലെത്തിയ എട്ട് അധ്യാപകരെയാണ് പൂട്ടിയിട്ടത്. സ്കൂളിന്റെ മെയിൻ ഗേറ്റ് പൂട്ടിയിരുന്നതിനാൽ പുറകുവശത്തെ ഗേറ്റിലൂടെയായിരുന്നു ഈ അധ്യാപകർ അകത്തുകയറിയത്. ഇതറിഞ്ഞെത്തിയ സമരക്കാർ ആ ഗേറ്റ് പൂട്ടിയതോടെയാണ് ഇവർ കുടുങ്ങിയത്. ഓഫീസ് തുറക്കാത്തതിനാൽ ഇവർക്ക് ഹാജർ രേഖപ്പെടുത്താനുമായിരുന്നില്ല. ഒടുവിൽ വൈകുന്നേരം നാലരയോടെ സ്കൂൾ ഓഫീസ് സ്റ്റാഫ് എത്തി ഗേറ്റ് തുറന്ന ശേഷമാണ് അധ്യാപകർക്ക് പുറത്തിറങ്ങാൻ കഴിഞ്ഞത്.
%20164%20X%2082.gif)
